Уроки по Joomla 3 можно найти здесь: http://joomla3x.ru/
Шаблоны Joomla 3 здесь: http://www.joomla3x.ru/joomla3-templates.html

Дилбәр Бултова иҗады

Бүген Дүртөйле районы үзәк китапханәсендә әдәбият һәм шигърият сөючеләрнең чираттагы очрашуы узды. Бу юлы очрашу язучы Дилбәр Булатованың иҗатына багышланды.
Дүртөйленең "Дулкын" әдәби иҗат берләшмәсе, "Әллүки" халык фольклор ансамбле, "Ак калфак" татар хатын-кызлары оешмасы, "Раушан" хатын-кызлар клубы әгъзалары Дилбәр Булатованың "Соң түгелдер", "Җантөяк", "Көтәрмен дигән идең" әсәрләре буенча сөйләшүдә катнашты.
Шагыйрә Светлана Васикова, "Чакмагышнефть" нефть һәм газ чыгару идарәсе ветераннары советы рәисе Тәржемә Фәизова, ветеран-укытучы Флүрә Газизова, китапханәче Зөлфә Хисмәтуллина, Зилә Мөхәмәтдинова әлеге әсәрләргә җентекле байкау ясады, аларның тормышчан булулары белән беррәттән, укучыны җәлеп итәрлек мавыктыргыч сюжетларга корылган булуларын билгеләде. Китап авторы чарада катнашучылар белән видеошалтырату ярдәмендә элемтәгә чыкты, аларның сорауларына җавап бирде, әсәрләрендә сурәтләнгән геройларның һәм хәл-вакыйгаларның прототиплары барлыгын әйтеп үтте.
Чара җыр-моң белән үрелеп барды. "Әллүки" халык фольклор ансамбленең гүзәл ханымнары борынгы халык җырларын да, заманча дәртле көйләрне дә башкарды. "Кызыл таң"ның үз хәбәрчесе Миләүшә Латыйпова "Тулпар" журналына язылуны оештырды.